Ikinyarwanda English Français
Ibiheruka gutangazwa
Ubutumwa bw'Umwepiskopi
Gahunda y'ibikorwa
AMAPARUWASI
>> Akarere Nkenurabushyo ka Muyanza
>> Paruwasi Burehe

Incamake


Paruwasi ya Burehe yitirirwa "Jean Baptiste" yashinzwe mu mwaka w'1962 iherereye mu karere-nkenurabushyo ka Muyanza.

Paruwasi ya Burehe igizwe na santarali 5 na sikirisali 4, ikaba igizwe n'imiryango remezo 223.

Ibarura ryo mu mwaka wa 2014 rigaragaza ko paruwasi ya Burehe ituwe n'abaturage 71597, muri bo Abakristu Gatolika ni 51327 ku kigereranyo cya 71.69%; mu Bakristu Gatolika habarurwa ababatijwe 48686 hamwe n'abigishwa 2641.

BUREHE : MUGENDA YAGIZWE SANTARALI

Diyosezi ya Byumba

Ku itariki ya 28 Ukuboza 2019, Umwepiskopi wa Byumba, Musenyeri Servilien NZAKAMWITA, yashyize mu rwego rwa Santarali sikirisali ya Mugenda muri Paruwasi ya Burehe.

Iki gikorwa cyo gushinga Santarali ya Mugenda cyajyanye no guha umugisha Kiliziya ya Mugenda. Umwepiskopi wahaye umugisha iyi kiliziya ya Mugenda, akanayigira santarali, yabwiye imbaga yari iteraniye aho ko Krsitu ashaka kubana n’abe, bakamugira inshuti bahorana. Ati « nta handi muzamusanga uretse muri iyi Kiliziya maze guha umugisha ; muzamusanga mu isakaramentu ry’Ukaristiya rizahora muri iyi kiliziya ». Yibukije abakristu ko turi mu mwaka wahariwe Isakaramentu ry’Ukaristiya, maze abashishikariza kwitabira misa n’isengesho ryo gushengerera Yezu mu Ukaristiya. Umwepiskopi ati « ntimuzatererane Yezu utuye aha muri iyi kiliziya ; mujye muza mutaramane na We igihe cyose». Nk’uko intego y’uyu mwaka w’ikenurabushyo ubivuga « Ukaristiya, isoko y’ubumwe n’ubutumwa mu muryango », tureke Yezu atwiyoborere mu ngo iwacu, mu miryango yacu itandukanye. Umwepiskopi yasabye abagize umuryango kubaho muri Kristu, bakamwegurira imitima yabo, maze na We akayituramo ». Yaboneyeho gusaba ababyeyi kurushaho kurinda abana bato ; bakabarinda icyabahungabanya n’icyabangiriza ubuzima. Ati « Ababyeyi bigishe abana babo cyane cyane abana b’abakobwa imyitwarire myiza ituma birinda gutwara inda imburagihe.

Santarali ya Mugenda ibaye iya 6 mu zigize Paruwasi ya Burehe. Iyi Santarali iherereye hafi ya Base na Nyirangarama, ku mpinga y’umusozi.

 

Padiri Alexandre Niyonsaba


Byanditswe : 2020-01-18 18:02:11
Uwabitangaje : A Alexandre NIYONSABA

Aho tubarizwa
Cathedrale de ByumbaDiyosezi ya Byumba,
Agasanduku k'amabaruwa: 05 Byumba,
Repubulika y'u Rwanda
Terefoni : +250 788 551 851
Imeri: diocabyumba@yahoo.fr
Uburenganzira bw'Umuhanzi ©2020, Diyosezi ya Byumba, Umwihariko ku burenganzira bwose!
Byubatswe na Robert Makuta